余文樂前日在將軍澳駕跑車拍攝新歌MV，他與女角鄧穎詩更上演一場飛車情緣。有女版舒麥加之稱的鄧穎詩，曾在珠海與余文樂的樂壇對手謝霆鋒鍊車。
余文樂（樂仔）前日在將軍澳工業區，為新歌《全面收購》拍攝MV，環球唱片並請來女版舒麥加、準一級方程式賽車手鄧穎詩擔任MV女角。MV內容講述駕駛Benz跑車的樂仔，與駕電單車的鄧穎詩在街上邂逅，結果二人便上演了一場飆車情緣。
樂仔目前被視為謝霆鋒暫別娛圈後，甚有機會頂上霆鋒位置的男歌手，而樂仔與霆鋒又確實幾有緣，就如鄧穎詩以前亦曾與謝霆鋒在珠海賽車，估不到今次鄧穎詩與樂仔又會在螢幕上「交手」鍊車。而這位未足十八歲的女車神稍後更會前往意大利參加賽事。
MV中不乏樂仔飛車的鏡頭，唱片公司為安全起見，把飛車動作全部交給替身，故此MV的製作費會比一般拍攝高出多倍。對於獲公司重視，樂仔不禁笑說：「有公司錫梗係開心，多謝晒，可能公司擔心我，至搵替身啦。」
樂仔又說：「我自己都好鍾意揸車，但我兩日冇瞓覺，唔係好敢開車，我喺香港都冇乜機會揸車，因為平日出入都有公司車坐。」
採訪：王崇穎
攝影：林德雄