新一屆馬季下月初開鑼，而馬會會員周年大會，則定於本月二十九號召開，屆時二百個VotingMembers會選出新董事。由於任志剛同唐英年都自動請辭，今次一共有六個空缺；馬會董事係身份象徵，所以競爭好激烈。
八方昨日收到馬會通告，話一共有九位候選人獲提名競逐董事職位（名單見表），即平均三個人爭兩個位，未來半個月肯定係拉票高峯期。據八方線人報料，九個人之中有五位已獲得董事會「祝福」，佢哋就係爭取連任之陳祖澤、周永健、葉錫安以及許仕仁、鄭維志，至於餘下一席邊個奪得，遲吓八到再向各位報告。
至於早前傳過李福深卸任主席後再做董事，似係誤傳。不過，主席退任後留在董事局，亦好平常，只係加多「名譽」兩個字；李主席就算真係咁做亦非無先例。
傳真︰2623-9278
電郵︰