蔣怡昨日往尖沙嘴為她任代言人的食品出席記者會，她獲垂青全因她皮膚夠黑。伊人近日又為電影試鏡進軍影圈，她表示任女模行show時，曾真空上陣，所以她不介意性感演出。
潮流興美白，但啤妹蔣怡（CoCo）早前卻因皮膚黝黑獲廣告商垂青，以六位數字酬勞接拍「美國地捫西梅」廣告，並出任代言人。CoCo昨日往尖沙嘴TGI餐廳，出席地捫廣告推廣會。
記者會上，大會負責人表示選中CoCo全因她夠黑，同西梅的顏色很配合，CoCo又同樣充滿陽光活力，形象很健康。CoCo更即場用西梅炮製三款美食，包括西梅乳酪凍飲、西梅火雞沙律燒餅及醉香西梅焗魚柳，CoCo手藝純熟，頭頭是道。
CoCo出道日子短，頻接廣告，頓成小富婆，CoCo自稱未加入百萬富翁行列，她說：「唔好咁講啦，唔係啲妹妹仔以為做模特兒好易搵錢。其實我𠵱家都開始為電影試鏡，希望搵到鍾意嘅角色拍戲。」問她會否有性感演出？她說：「我都試過真空行fashionshow啦，不過三點式係我嘅極限，我接受唔到裸露上半身。」
首次出任代言人，蔣怡說：「今次係第一次做代言人，好開心酬勞好好，有六位數字。」是否最高酬勞的工作？她說：「唔可以比較，因為之前有啲係拍電視廣告，今次純粹平面廣告，唔同性質。」
問CoCo獲滿意酬勞將如何獎勵自己？她說：「唔使啦，儲起啲錢先，幾時想用就用咪重好。」