【本報訊】一萬八千名考獲零分的應屆會考生當中，錢嘉晉相信是個絕少數願意拿起成績單，勇敢面對鏡頭、面對現實的考生，顯出他失意而不喪志。
另一邊廂，會考零分在十優狀元張世熹眼中，絕非是無可救藥之輩，他反而認為政府不應只顧造就精英，而忽略這些低分族群的另類潛能。
「點解會考零分唔可以見人，逃避都唔係辦法。」染了一頭金髮的錢嘉晉來自單親家庭，坦言一直無心向學，認為應對自己成績差負上責任，但「𠵱家零分，唔代表以後都攞零分。」會考後他會替在內地經營菜場的媽媽打工。他形容就讀的元朗伯特利中學，在別人眼中是間不算很好的學校，但他卻認為是間很「靚」的中學。「間學校好靚，唔係環境靚，而係老師對每個學生都咁好，李菊鳳老師就送過財爺阿松推介嘅《WhoMovedMyCheese?》嘅勵志書畀我睇，令我受用不盡。」
七科「全紅」，對着零分的成績單，馬敏儀不禁傷心流淚，有感對不起母親。但稍加振作後，即能坦言面對，不擔心加入失學兼失業的「雙失」大軍，「十五蚊時薪嘅麥當勞都做囉！冇乜嘢係唔得。」
報考商科僅得一分的莊美智，對於會考低分滿不在乎，「讀多兩年書都未必可以搵到嘢做，咁多大學生咪一樣失業？」她慶幸自己在會考後已覓得好工，在一間雜誌銷售公司任職，月入逾七千元。
對於大批低分一族，考獲十優的屯門官立中學學生張世熹表示：「我唔會睇低成績低嘅學生，最緊要係零分嘅學生，自己要搵出問題，面對問題，搵出解決辦法。」他認為在現行教育制度下，可能會有人未能發揮潛能，而成績不好，不代表便沒有希望。