各位姊妹掃完一輪開倉名牌衫後，是否覺得欠缺了甚麼，是一個合襯的手袋嗎？小記最近搵到一間手袋公司，把大量貨辦以低至成本價發售，呢批手袋，部份更是今季款式，在某大型連鎖店中發售，絕對是潮流正貨。由於是貨辦關係，每款貨量不多，但款式卻達千多款，揀啱就萬勿放低。
記者：陸伊琳
攝影：黃子偉、陳偉強
模特兒：Candy
色彩繽紛的布袋，用途多多，清潔又容易，最啱平時襯便服攜帶，除了紅色的一款是袋口有拉鏈及單面使用外，其餘三個都可作雙面使用，一面淨色，另一面是粉色直間條子，一袋兩款可配襯不同顏色的服裝，但因袋口沒有扣或拉鏈，要小心袋內的物件會跌出袋外。
黃色
尺寸：35cm×23cm
市價：$179
特賣價：$10
紅色
尺寸：35cm×29cm
市價：$130
特賣價：$10
藍色?條子
尺寸：49cm×32cm
市價：$199
特賣價：$10
這款手袋勁似某隻Ｈ字頭的名牌手袋，選用布料製造，大大的袋身配合時款的設計，斯文得嚟又不太嚴肅，適合返工或出街之用，是OL喜愛的手袋款式之一，備有粉藍色、棗紅色、黑色、黃色、灰色及杏色以供選擇。
尺寸：36cm×32cm
市價：$880
特賣價：$150
款式亦似某隻F字頭的名牌手袋，但價錢就平得多，手工相當不錯，以優質皮製，質料較厚耐用襟磨，帶子選用蛇皮紋設計，高貴大方又易襯衫。
尺寸：26cm×16cm
市價：$380
特賣價：$80
呢個真皮袋仔，以圓筒形設計，的骰可愛，少女味濃。除咗可以斜揹外，更可作腰Bag之用，最啱放假時出外Shopping攜帶，是各位女士們的輕便之選。
尺寸：20cm×13cm
市價：$628
特賣價：$125
呢個袋尺寸大小適中，款式簡約大路不太女性化，是很多女士們的心水選擇。手挽以真皮製造，袋身的布料夠堅挺，耐用好拎，袋口備有拉鏈，夠晒端莊得體。
尺寸：35cm×30cm
市價：$369
特賣價：$80
從前以藤製的袋，總是給人難登大雅之堂的感覺，不過現今藤袋的款式多多，故愈來愈受女士們歡迎。呢款混色的藤袋，設計時尚大方，手挽帶用上真皮製造，攜帶上班亦不覺失禮。
尺寸：38cm×35cm
市價：$390
特賣價：$80
在眾多貨品中，呢個絕對係超值之選。全個均以真皮製造，袋內有一個拉鏈間隔及一個小小的手提電話袋仔，設計細心，用嚟襯褲襯裙都咁好睇！
尺寸：38cm×25cm
市價：$680
特賣價：$125
細細個藍色袋仔，能放下銀包、紙巾、手提電話等隨身物件，至啱LunchTime外出吃飯時攜帶。袋口有個磁石小鎖，袋內亦有個拉鏈小袋，可謂麻雀雖小，五臟俱全。
尺寸：32cm×25cm
市價：$238
特賣價：$35
一般見到的馬毛手袋，長長的烏黑馬毛只宜冬天使用。不過呢款手袋，就將短短的馬毛漂染，再設計成格仔圖案，於手袋的手挽部位配上兩個正方形的閃石作裝飾，令整個手袋更加高貴。
尺寸：34cm×15cm
市價：$1,780
特賣價：$200
圓形的設計十分特別，加上袋上的花花圖案，帶點懷舊復古的感覺。袋身用布製成，袋內備有一層尼龍質料，有防止滲水的效用，就算下雨天弄濕了袋，內裏的物件也不致弄濕。
尺寸：直徑27cm
市價：$248
特賣價：$50
呢個小手袋，選用藤及皮作為質料，配搭出來的效果卻相當不錯，袋款高雅莊重，適合宴會或返工之用，配襯一身套裝，大方高貴。
尺寸：31cm×22cm
市價：$680
特賣價：$125
今次特賣場出售的手袋貨辦，以小記所見，質素均相當新淨及手工唔錯，不過部份手袋亦有弄污及甩線的情況，女士們選購時要留意！另外，這批手袋出售時會將牌子剪爛，不過大家仍可猜測到其品牌是甚麼，不妨趁平揀選心頭好！
手袋貨辦特賣資料
日期：8月9日至8月12日
時間：10:00am-11:00pm
地址：太子彌敦道750號始創中心一樓107舖
查詢電話：34223955
＊購物滿$800可以信用卡付款。