早前日產香港代理，邀請咗部份香港傳媒，往日本實地測試鑑賞過部全新FairladyZ，兼有好高評價，聽聞代理方面亦有計劃引入，但快者睇怕都要年底或明年上半年方能成事。
然而，最近日本又傳來消息，話繼去年東京車展，日產展出一部SkylineGT-RConcept後，早陣子廠方又透露出原型GT-R嘅模樣，包裝要來得有霸氣同至In嘅觀感之餘，亦披露咗唔少可能搭載於GT-R身上，一台VQ30DESupercharger引擎嘅資料；據知呢台3.0公升V6偈，改配機械增壓而放棄Turbo組合，皆因前者嘅線性反應，起跑加速要來得更具爆炸性外，持久同耐用性亦評價甚高，就連平治C32AMG亦以相近嘅引擎組合，迸發出354匹馬力，而令不少車迷為之側目。睇嚟新一代日產SkylineGT-R會係日產2003年嘅發展重點項目，係戰神嘅Fans就要密切留意喇！