女仔好緊張自己嘅身材，潮流又興豐胸同纖體，唔講唔知其實穴位按摩都可以幫到手。先講排毒，可以用手指按壓耳下嘅淋巴位，配合向前推嘅動作，可以幫助暢通淋巴，對排除體內毒素好有效㗎。
至於豐胸，姊妹們又可以合起手指，輕輕按摩胸嘅下半部份，多做呢個動作可以令胸部肌肉結實啲，女孩子可互相幫對方做按摩，又或者自己做都得。
重有，都巿人生活忙碌，好多人都會有胃病同埋大便唔通暢嘅情況出現，大家可以試吓用食指、中指同無名指三隻手指合起嚟，慢慢喺個肚度打圈按摩，可以先順時針方向，然後再逆時針咁按，按嘅時候可以搽上薄荷膏。多按呢個位，可以去肚風同促進腸部蠕動。
（五之三）
口述：苑瓊丹 筆錄：比華利
攝影：陳偉權 示範：岑寶兒
場地提供：扶元堂穴位治療按摩中心