葉蒨文、鄭裕玲、彭羚、李克勤、薰妮及石修等，昨日於尖沙嘴美麗華酒店出席無綫《星光熠熠耀保良》記招會，早前與老公林子祥歐遊完的葉蒨文，昨日頸上戴着一條英文字「LAM」的頸鏈，她笑言：「我𠵱家成日掛住㗎！當我係林太算啦。」對於陳慧琳演唱會被指咪嘴一事，葉蒨文愕然地表示：「吓？no！我自己未試過，我寧願走音同唔記得歌詞，因為fans都係想睇我哋真嘢。佢（指陳慧琳）好瘦，可能喉嚨痛。」
另外，問到李克勤日前被指暗寸許志安時，他解釋說：「我睇到報道都嚇親，好彩我識咗佢十幾年，阿倫都有叫我打電話畀安仔，可能一陣間打波會見到佢，我都會同佢講，我唔想俾人聯想得太多嘢。」說罷更大讚安仔說：「我愛許志安，《羅馬》首歌好好聽，封面又拍得有型。」
採訪：王崇穎 攝影：何國豪