曾經一次過轉動八十二個呼拉圈嘅健力士世界紀錄保持者LoriLynnLomeli，最近應地鐵物業管理邀請嚟咗香港，準備由今日起一連四日到部份地鐵商場巡迴表演。八方噚日就一於先睹為快，喺德福廣場睇佢嘅示範表演，Lori示範咗多個高難度動作，例如倒立轉圈等。八方同在場市民每次睇到佢蛇腰一扭，都即刻拍晒手掌，真係魅力驚人。
來自美國嘅Lori雖然已經四十四歲，而且係三子之母，但係身形依然好fit，除咗擁有二十四吋小蠻腰外，重一直保持住六塊腹肌。原來Lori八歲已愛上呢項運動，有咁健美嘅身段都係拜玩呼拉圈所賜，而且玩呼拉圈重可促進血液循環，有益健康；愛靚嘅少女們，唔知收到未呢？
黃建通攝
傳真︰2623-9278
電郵︰