葉璇自幼受祖父的薰陶愛上集郵，她表示特別喜歡有關風景圖案的郵票，因為可以透過欣賞這些郵票，吸取不同地方的文化氣息。
葉璇外表文靜，她的嗜好都跟性格脗合。葉璇小時候受到祖父的影響，漸漸喜歡集郵。葉璇的祖父更把當年的郵票珍藏送給她，好讓伊人有個好開始。
葉璇說：「爺爺好錫我，佢將當年文化大革命時期收埋嘅珍藏送晒畀我，佢嗰啲郵票如果唔收埋就差啲俾人『抄家』，好彩收咗喺箱底，先至冇俾人搵到。」葉璇祖父送給她的珍藏，現已好好存放在她美國的家。
但葉璇近年來港後又開始集郵，她日前帶同幾本郵票簿到來做訪問，葉璇說：「呢啲郵票係我呢幾年買嘅，有部份就係fans知道我鍾意集郵，投我所好，買郵票送畀我。」問葉璇平時喜歡收藏甚麼圖案的郵票，她說：「我特別鍾意一啲風景嘅圖案，因為透過呢啲郵票，我可以吸收唔同國家嘅文化氣息，而且我又可以將呢啲郵票一代一代咁傳落去，真係好有意義。」
葉璇認為時下青少年已不流行集郵，她說：「其實呢種嗜好花費唔多，我都會去排隊買特別嘅郵票，但平時嘅收藏大部份係嚟自fans嘅信，佢哋從唔同國家寄信畀我，正好收集佢哋嘅郵票，得閒拎番出嚟睇，都未嘗唔係一個好嘅回憶。」
葉璇會親手處理各類信件上的郵票，方法是先剪下郵票，然後浸在水中，讓郵票跟信封自然分開，然後把它放在抹手紙上印乾，待郵票乾透。但為了保持郵票的挺直，故要把吸乾水份的郵票平放在厚書底壓平，最後便可把郵票放在郵票簿中保存。
葉璇還有另一個方法，她說：「當郵票同信封水浸到分開後，如果唔用抹手紙吸乾水份，都可以將郵票貼喺玻璃上自然風乾，但郵票本身可能冇咁挺直。」
採訪：比華利 攝影：黃文成
服裝：BCBG
髮型、化妝：李倩雯（TouchUp）