「婆婆，你整番好衫領先，我幫你影多一張相。」為長者提供攝影服務的義工溫文有禮地說。
日前，聖雅各福群會的「長者攝影隊」，派出十名義工為一眾貧困獨居長者提供免費攝影服務，其中一位義工David向記者表示：「今日我哋預計喺兩個鐘頭內，幫一百七十位長者影相，每人將會有一張PassportSize（證件用）嘅相，同埋一張生活照，等佢哋隨時有相用。」
對於攝影義工隊的專業服務，長者們你一言我一語笑說：「義工見我個身郁咗，即刻幫我影過一張相，確保曬出嚟張相用得着，佢哋嘅服務真係一啲都唔馬虎。」
「班義工咁關照我哋，真係好歡喜。今朝一早梳靚啲頭髮，着件靚衫準備嚟影相。」一位婆婆說。
蘋果日報慈善基金早前撥款二萬四千五百元，資助聖雅各福群會舉辦「長者攝影服務」，為窮苦長者免費拍攝個人證件相及大相，以備有需要時使用。
「長者攝影隊」現正招募對攝影有興趣的義工，善用餘暇服務貧困的獨居長者，另亦盼獲善長慷慨贊助攝影器材及菲林等物資，「𠵱家有成三千位老人輪候攝影服務，希望大家有錢出錢，有力出力。」David由衷地呼籲。
查詢電話﹕81078324。
暖流熱線
電話：29908688
傳真：23702192
電郵：
網址：