科大校長朱經武（圖）威水係人都知，最近花旗嗰邊又為佢錦上添花。朱博士名列美國侯斯頓布朗大會堂正廳嘅名人堂（HallofFame），喺裏面展示朱經武嘅巨幅彩照，配以一方鐫刻其傑出事迹嘅銅牌，表彰佢對當地貢獻。
據當地華文報紙《世界日報》報道，至今入選呢個名人堂嘅只有十人，除咗德州超導中心創辦人朱經武外，重有老布殊總統任內嘅商務部長、克林頓總統任內嘅財政部長、奧運體操十項全能冠軍等傑出人士。最近適逢國際超導會議喺布朗大會堂舉行，報道話來自世界各地的專家同代表出席大會時，見到佢哋公認嘅「盟主」朱經武玉照，倍感親切。
傳真︰2623-9278
電郵︰