踏入八月，又到籌備十月國慶酒會嘅旺季，八方同親中團體中人傾開，原來佢哋重係好懷念已經拆卸嘅富麗華酒店宴會廳，又話嗰度服務好、食物正、價錢合理。咁又難怪，年年國慶都喺富麗華過，一吓子要轉地頭，都幾難適應。
噚日嘅香港工商界國慶籌備委員會成立，決定咗會轉去港麗酒店大禮堂，每位三百大元。因為港麗比去開嘅富麗華重皮，上年又冇籌到錢，預算尚欠二十二萬，所以要全體委員一齊湊數。規格分四級：六個主席團主席，包括何鴻燊、陳永棋、陳有慶等一人一萬或以上。56個主席團成員，包括誠哥、彤叔、老霍、曾憲梓等，每人只需二千或以上。各部門主任每人千五，個人委員盛惠五百。此外每個團體委員要交一千，粗略估計都會收到四、五十萬。
傳真︰2623-9278
電郵︰