高官申報利益，披露咗唔少有趣資料，八方逐日同大家分享。今日先講梁錦松。
阿松呈報資產中，佢係六間公司嘅股東。八方睇番有關公司文件，發覺其中四間（見表）有共同之處，就係同在今年六月四日（點解係呢日？）呈報有董事變動，原任董事譚淑芬辭職。
大家都知譚淑芬係阿松前妻，呢四間公司，八方估計都係殼公司，用嚟買樓，換言之阿松在七月娶小伏之前，已經同前妻分好身家，又真係安排得好有計劃。
值得一提嘅係其中嘅中漢投資只發行三股，原由譚淑芬、余立發、黃逸思各持一股，譚辭任後，名下一股估計已轉埋畀阿松。黃逸思係阿松在花旗銀行之老拍檔，係炒外滙頂級人馬，現時身在美國，聽聞有二、三千萬美金年薪，有人話阿松想搵佢回流「協助」任志剛；余立發就係霍建寧同學，曾幫李嘉誠打理加怡融資，至於佢哋點解一齊投資，八方查咗年半都唔知。
傳真︰2623-9278
電郵︰