早排喺油塘勞資糾紛中，有女警對住班群情洶湧嘅追討欠薪工人，搞到要拔搶，引起輿論嘩然，當時署理政務司司長孫明揚都立刻搵「一哥」曾蔭培傾偈，話要警方小心處理勞資糾紛；一哥最近到訪觀塘警署時，特別勉勵處理油塘勞資糾紛嘅夥計。一哥話完全明白夥計喺事件中面對嘅困難，佢重面授機宜，教啲夥計日後點樣處理呢類事件，以保持社會和諧。
曾蔭培除到訪觀塘警署外，佢早排重落去探「O記」同西九龍總區總部，「O記」早前成功偵破同「賊王」季炳雄有關嘅犯罪集團，西九就瓦解咗一個跨境犯罪集團，一哥去到當然又係高度讚揚呢班前線人員表現出色。
傳真︰2623-9278
電郵︰