向來被視為係車壇長青樹嘅福士GolfCabriolet開篷車，最近廠方宣布為其推出終極版，新車除備有四種車身顏色、兩種不同顏色嘅高級真皮，以及電動軟篷頂之餘，另外重裝有15吋BBS合金軨㖭；加上新車以限量形式發售，更能顯出其矜貴身份。
呢部終極版GolfCabriolet，有四種分別名為Reflexsilvermetallic、Marinebluepearleffect、Brightgreenpearleffect及Blackmagicpearleffect嘅車身顏色供選擇；另外重配有15吋嘅BBS合金軨，同埋與車身同色嘅門邊鏡等等，再加埋開關時間甚短嘅電動軟篷頂配搭，從而可凸顯其矜貴性。至於車廂內部，亦有兩種顏色分別係Black及Lightbeige嘅高級真皮供選擇，兼備有前座仿桶形跑車座椅、三幅式真皮跑車軚環、真皮波棍的及手掣桿等等㖭。
然而，一台2.0公升引擎所迸發出嘅115匹馬力，匹配四輪高效能碟式制動及ABS系統，亦能予人有收放自如之感。未知香港代理方面，會否引入呢款GolfCabriolet終極版呢？