五人偶像樂隊TOKIO的成員，年來相繼傳出戀聞。以扮「老積」及搞笑搶鏡的三十一歲隊長城島茂，更被人氣不斷飛升的二十二歲「新治療系女神」吉岡美穗迷倒，二人近日頻頻約會。
據日本雜誌《週刊女性》報道，今年六月城島茂在一個烹飪節目中，吃過吉岡親手炮製的餃子後，即一食難忘，對吉岡展開瘋狂追求攻勢。同是關西出身的二人異常投契，繼而發展起來。
城島上月數度在其住所附近一相熟酒吧訂位與吉岡撐枱腳，店中酒保透露：「佢訂枱時曾講明帶吉岡嚟。前幾日深夜十一點半，城島戴住頂帽，吉岡戴住太陽眼鏡入嚟。佢哋會揀個最暗嘅地方，叫支酒傾偈傾到三點幾，不時耳語，好似拍咗好耐拖嘅情侶。城島鏡頭前扮搞笑，但喺女仔面前好Man㗎！」
吉岡的經理人最初否認二人拍拖，及後又說：「佢哋有一齊去過吧，但當時我都喺度。」而城島本人對緋聞只以怒目回應，其事務所說：「吉岡美穗？唔識呢個人喎！」
吉岡今次乃入行後首次傳出緋聞，而城島則曾被傳常常在藥師丸博子的豪宅出現。