馬時亨一句「冇時間睇晒枱面嘅文件」，即時成為官場熱門話題，八方聽聞討論熱點不在有冇睇晒啲文件，而係應否咁坦白承認。不過官場中畢竟有人係超級勤力，其一當然係外號「七．十一」嘅特首阿董，另一個就係律政司司長詩姐。
八方聽跟過詩姐嘅老友講，詩姐睇文件好仔細，不但止一定睇晒所有文件，過目時逐字逐句推敲，重成日覺得資料唔夠，要求下屬再補充多啲資料畀佢。
可能因為詩姐係法律界出身，對文件字眼特別敏感、一絲不苟，完全不同於其他公務員或商界出身嘅高官。正因如此，詩姐嘅工作時間直逼阿董。不過自從佢大病一場之後，已經盡量避免工作太長，影響健康，可能早前因為咁而萌生退意，可惜中央同阿董唔放人，詩姐惟有捨命陪君子。
傳真︰2623-9278
電郵︰