日本化妝品品牌植村秀（shuuemura）昨日於灣仔君悅酒店，舉行2002秋冬妝容記者會，現場除有名模周汶錡及李嘉慧擔任示範模特兒外，大會還邀得葉璇、郭錦恩及康子妮等嘉賓。
昨日穿上迷你裙示人的郭錦恩，大腿貼上膠布，她說：「我今日出門口前，唔小心喺廚房打爛咗隻杯，整傷大腿，我即時諗起成龍講過，只要㩒住個傷口，即刻貼塊膠布就得㗎啦。」
郭錦恩早前曾透露會投資開設教授兒童活動的學校，她表示校址已定於銅鑼灣，她賣花讚花香說：「我覺得香港啲小朋友嘅活動重係唔夠，而且佢哋參加咗呢類活動，個人都會外向啲、活躍啲。我自己除咗出錢投資外，重會親自教授民族舞。」