我Apple姐覺得人生最甜蜜嘅事，莫過於係同另一半喺熱戀階段，拍緊拖嘅人真係人都靚啲嘅。 樂在其中 早排我去銅鑼灣宜家傢俬購物，行到去廚具嗰個corner，就見到有對小情人喺度好溫馨咁研究廚房嘅擺設布置，睇真啲原來係喺社交場合都幾活躍嘅Gucci高層潘鄧婉穎個仔、混血名模AnaR.前男友潘熾恆，同佢新女友Nissa。 佢兩個旁若無人咁有講有笑，好似真係置身於自己屋企個廚房度。唔知佢哋得閒有冇玩煮飯仔？