董內閣噚日齊齊公開利益申報資料，眼見個個咁富貴，真係令人羨慕。行會非官守成員除咗酬金外，佢哋就繼續搵真銀。八方發現，雖然佢哋好誠實咁報資料，例如曾鈺成連幫報紙雜誌撰文收入都申報埋，但好多人包括振英哥就冇特別報寫行會成員本身嘅人工，唔知係咪因為佢哋只係開咗兩次會未出糧，所以冇報到呢？
講開申報，原來老董住緊嘅半山嘉慧園就係由董太Betty全數擁有，真係錫老婆。此外，老董每逢出差，例如去廣東、北京等地方，如果當地政府有提供住宿同交通費，佢都一一申報㖭。
煲呔曾、葉澍堃睇怕都係高官中最多關係，煲呔曾就申報係好多組織嘅榮譽會長，例如僑港南海同鄉會、旅港南海九江商會等，葉局長就當葉氏宗親會永遠榮譽會長，真係巴閉。
傳真︰2623-9278
電郵︰