炎炎夏日食多啲水果除可補充水份之外，重有消暑功效。而今個夏天，消暑水果多又平，好似呢款火龍果，近年愈賣愈平，以往最平$5個，最近更加大平賣，十蚊有三個，分開計，每個都唔使四蚊，真係相當抵食。火龍果唔太甜，汁多清甜，雪凍食夠晒消暑，糖尿病患者都啱食。
$10/3個
部份果檔有售
呢個盒係專為牛油而設，日本製造，隨盒更附送一把不銹鋼牛油刀。見到呢個盒我即時買咗一個返屋企，因為有咗佢，可以好輕易將牛油切成一片片以方便夾麵包，同時要切成小塊又得，因為盒內附有一個切格，只要將成嚿牛油放上，再對正切格坑位，打直即可將牛油切成薄片，而再向橫切多三刀，牛油即變成小塊，方便實用。
$49/個
銷售點：UNY