北上創業除了開舖頭自己做生意賺錢外，還可以邊賺錢邊幫別人創業，就好像Ellen，她因香港經濟環境太差，跑到廣州找出路，但她投資的生意並不是開舖那麼簡單，而是在廣場租地設露天攤檔，再分租給香港人，對方只需簽下合約，有關牌照、報稅等事宜他們便會代辦。記者：羅蘭
攝影：Manny
2000年去美國辦移民的Ellen，在彼邦從事圖書網站的工作，專門為美國大學的圖書館購買關於中國文化的書籍，後來因為生活太枯燥，回流香港尋找出路。
「美國嘅生活太無聊喇，我住嘅地方又係白人區，想買一份中文報紙來回要幾個鐘頭車程，惟有返港睇吓有無機會。兩年前香港經濟重未係咁差，點知竟會跌到落谷底。好在以前因為幫網站搵大陸書籍，識咗𠵱家嘅內地拍檔。」
Ellen開業本錢
開業日期：2002年5月
地租 ?74,000（370平方米×?200）
裝修 ?22,000
電費 ?800
入貨 ?100,000
人工（共5名） ?3,200
運輸成本 ?800
推廣費 ?100,000
雜項 ?1,500
流動資金 ?10,000
總投資額 ?312,300
平均每月營業額：?60,000
平均每月盈利：?2,000
初時，Ellen跟拍檔只在廣州一家百貨公司租了一個賣兒童書籍的角落，後來發現每逢國慶或兒童節等節日，門外空地都會有大型節目舉行，人流特別旺。「據官方統計數字，每日行經呢度嘅人約有20萬人次，所以今年5月我哋就同百貨公司簽約一年，租用門外部份空地發展。
「嗰度大約有370多平方米，而我哋就打算將空地劃分成攤檔分租畀香港人，每個攤檔約有1.5米×1.5米大，日租?500，租金包括枱、椅及所有電費；連續租兩日以上，就會搭建帳篷。𠵱家露天攤檔只係做星期五、六、日三日，如果將所有攤位全部分租成功，最多可以租出32個攤檔。」
Ellen話租客售賣的貨品，有一定的限制。「喺大陸做唔同生意，要有唔同嘅營業執照，好似我哋咁，雖然廣場有百貨零售牌，但我哋都要有百貨零售牌先可以租地營業。而且重要有圖書許可證同音像經營許可證，因為個百貨牌唔包飲食、書籍、CD、VCD等。但呢啲牌照只有內地人先可以攞，但𠵱家發牌好嚴，我拍檔因為早年申請咗，我哋先至咁順利。」
目前Ellen只租出6個攤位，但遲些還會有多幾個香港租客，預計會售賣波鞋、皮具同韓國精品。「單靠租幾個攤位當然好難維皮，所以我自己都開咗10個攤位賣書同雜誌，尤其是雜誌，一日可以賣到千幾蚊。而最好賣嘅書，係一本叫《作男》嘅小說，內容全部係同性戀、婚外情嘅故事，喺大陸居然可以成功出版，咁就表示大陸嘅思想開放咗。」
除了要照顧自己的生意外，Ellen還要協助香港租客。「好多上嚟租攤檔嘅香港人，係因為負資產或者失業，先上嚟碰運氣，而我就會講畀佢哋知呢度嘅市場情況，又或入貨嘅門路。有時佢哋唔知點做，都會搵我一齊商量，叫我哋畀啲意見佢哋。」
1﹒有牌拍檔：最好搵個有牌照的內地人做拍檔，尤其是售賣書籍這類文化事業，內地政府管制極嚴。
2﹒律師幫忙：創業前先要清楚當地的法律，最好找律師幫忙，尤其是內地稅制繁複，一不小心好易惹上官非。
不過Ellen做生意唔係一開始就順利，她亦有碰過釘子。「最初我跟一間內地圖書公司訂貨，初時我哋講好每張VCD?15，但當我決定訂貨時，佢不停打電話嚟同我講個價錢要變，最後由?15升到?28，由於我趕住做生意，惟有俾佢㩒住搶。
「又有一次，因為貪方便，叫咗一個外省員工去收支票，順道提埋錢出嚟畀我。點知佢攞咗錢後，好耐都唔交畀會計，到我哋追時，佢居然走佬，令我哋損失咗萬幾蚊。所以之後所有錢銀往來都由會計部負責，亦盡量唔請外省工，因為有事時都好難追討佢哋。」
由於是露天攤位，故須具備臨時經營許可證，租客方可在露天攤位做生意。此外，因應其售賣貨品，還須申請以下牌照：
1﹒百貨牌
2﹒圖書經營許可證
3﹒音像經營許可證
＊申請總費用不超過?800
至今，Ellen的露天攤檔收支算叫僅僅夠維皮，利潤不多，因為他們會把賺來的錢統統用在廣告宣傳及其他投資項目上。
「我打算遲些會在鄰近的碧桂園、麗江花園、南國奧林匹克花園和駿景花園等租用空地設露天攤位，因為那邊人流都好多，而且又係豪宅區，啲人買嘢會更爽手闊綽。我哋預計過，如果生意唔太差嘅話，可能可以喺半年做到收支平衡，如果要回本就要起碼一年。」
內地稅務繁複，像Ellen這類小生意，每個月就要上繳平均約營業額的8%作營業稅（稅收幅度視乎貨品而定），另外，每季亦要繳交利潤的33%作所得稅，還有每半年須納其他稅項約3-5%。但作為租客，報稅等工作均由Ellen他們代勞。
露天攤位免費講座
日期：8月15日（下午2:30至5:00）
查詢：23013318
面對香港經濟不景，裁員不停，失業率持續上升，香港經濟逐步轉型，人人北望。「北上創業」版訪問一些香港人在內地成功創業的例子，如閣下是其中一分子，又願意將你的經驗跟讀者分享，請聯絡我們。來信請寄將軍澳工業邨西駿盈街八號《蘋果日報》副刊「北上創業」版收或傳真：27420542。請附聯絡電話。