我苑仔（苑瓊丹）一向對穴位按摩好有研究，因為如果按摩恰到好處，對醫治身體嘅毛病、職業病同減肥收身都好有幫助。我會喺未來幾日教讀者幾招穴位按摩嘅竅門。
穴位按摩除咗可以紓緩勞累之外，重可以促進血液循環。今日我會先由頭部做起，只要促進大腦部份嘅血液循環，就可以有助思考變得靈活㗎，按摩頭頂附近就啱喇。
按眼角嘅精明穴位，就有明目嘅功效；按壓兩邊太陽穴重可以醫治頭痛，只要用手指打轉輕按就得。而按摩耳下穴位同頸側，就可以有助暢通淋巴，對排毒都好有療效㗎。
（五之一）
口述：苑瓊丹
筆錄：比華利
攝影：陳偉權
示範：岑寶兒
場地提供：扶元堂穴位治療按摩中心