中文大學醫學院同香港電台合製嘅醫療實況劇《生命激流》告一段落，唔少市民都睇過呢套以真實故事為藍本嘅劇集，甚至可能睇到醫過自己嘅醫生上鏡。上個星期六，中大醫學院同港台搞咗個答謝宴，同場重加映一個「奧斯卡」選舉。
嗰晚播咗一啲劇集嘅精華片段，包括現任教統局局長李國章十二年前同現任中大醫學院院長鍾尚志研究喺香港引進首個腹腔鏡割除膽囊手術；當年佢哋搵隻豬嚟做試驗，呢個珍貴片段令到李局長攞到最上鏡獎，鍾教授攞到最佳新人獎！李局長真係咁上鏡？睇吓佢當年嘅靚仔樣，又的確幾風流倜儻嘅。
傳真︰2623-9278
電郵︰