時代步伐不斷進步，就連汽車都要跟上潮流節拍，方能惹起一眾車迷嘅注目！早陣子，幾乎同步登場嘅新一代豐田MR-S（即港版MR2），以及Celica跑車，剛啱廠方經已推出Facelifted版新車。前者，MR-S新版車首全新頭燈、氣霸及原廠霧燈組合，重有時款尾燈及車廂鋪排，加上新款桶形跑車座椅配搭，望落既趨時又吸引，而一台1.8公升直4DOHC中置引擎，其140匹馬力輸出反應敏捷剛勁，確實係一款不錯嘅Roadster選擇嚟㗎。至於後者嘅Celica跑車，亦變得時尚吸引得多；全新車頭結構有更佳氣流動力學嘅設計之餘，賣相亦見剛中帶柔，好有一份兼容嘅個性演繹。鍾情嘅Fans就要密切留意，新車嘅到港日期喇！