許志安早前和「翻版鄭秀文」趙頌茹合照時尷尷尬尬，前晚二人在電視城再次同台演出，同場的李克勤取笑安仔是儍仔，安仔則以不欲講多錯多而拒絕回應，又繼續迴避趙頌茹。
前晚許志安（安仔）、「翻版鄭秀文」趙頌茹（阿Yu）、李克勤、周杰倫和鄭希怡（Yumiko）等歌手在電視城，為無綫節目《姿采繽紛樟木頭》演出，除了阿Yu貌似鄭秀文（Sammi）外，原來Yumiko的聲線和Sammi亦十分相似。
安仔和Sammi一向低調處理二人的感情事，而近期受力捧的英皇旗下紅音樂新人阿Yu日前出席公開活動，與許志安同場出現，記者要求二人合照，安仔立即推搪，令阿Yu尷尬不已。
前晚李克勤取笑不肯和阿Yu合照的安仔是儍仔，克勤說：「佢（指安仔）儍仔啫，呢啲嘢避無可避嘅啦！佢（阿Yu）都幾似Sammi，咁都有着數，起碼大家記得佢，好似我初出道時俾人話我似譚詠麟，而張學友就似關正傑，但將來就要靠自己嘅努力。」
被李克勤指是儍仔，安仔說：「唉，佢鍾意講乜就講乜啦！佢話似就似啦，我費事講多錯多。」下周一（十二日）是安仔生日，而周日晚他將為港姐決賽做表演嘉賓，記者提議屆時港姐吻他賀生日，安仔說：「都好喎！嗰日做完騷都凌晨啦，我之後會返屋企，今年唔會慶祝，狗仔隊唔使跟我啦。」
此外，阿Yu說：「上次同安仔合照好緊張，流晒汗。我未見過Sammi，見到佢會好驚，覺得唔好意思，好似佔佢便宜，叨佢光咁。」
採訪：卓美娟
攝影：陳偉權