電腦新產品：
齊料機箱再戰江湖LCDPC豔光四射

齊料機箱（BareBomPC）曾在市場極為流行，因機內有齊大部份電腦配件，用家只需按心水另配處理器、記憶體同硬碟就可以開機，靈活度及價錢都好適合DIY一族。後期卻因牌子機大幅減價，在市場上優勢變低而漸漸淡出。今日介紹呢款LCDPC不但繼承齊料機箱特性，在功能及外形上亦極為吸引。
記者、攝影：徐影龍
ImageGirl：Suki

永佳科技
查詢電話：25412982

硬件配搭自己話事
呢部外形咁靚嘅齊料機箱由精英推出，名為LCDPC，顧名思義係將機箱同屏幕合二為一，在外觀上極似一體化套裝機，不過機能及用途更為靈活，因為LCDPC屬齊料機箱產品，並不提供處理器、記憶體同硬碟，用家可按自己喜好及需要而自行選購，支援目前大熱嘅P41.4至2GHz處理器，記憶體則設有兩條DDRRAM插槽，最高支援2GB記憶體，不論慳錢型或富貴級DIY用家都啱使。
LCDPC採用SiS650GL加SiS962底板晶片組，屬整合型，已包含圖像及音效功能，內置SiS3154×AGP顯示晶片在立體圖像表現上尚算不俗，由於機內不設其他AGP槽，故不可另加功能較強嘅顯示卡，對畫面要求較高嘅用家要注意喇。

影音化外形夠煞食
LCDPC較過往齊料機箱優勝地方，就係在機殼設計上花過心思，賣相極有日本影音電腦Feel，美觀之餘亦不失慳位優點，令人一眼望落去已經好鍾意，加上其屏幕採用A級15"LCD，畫面表現有別於一般平價LCD。LCDPC不但在外形上走影音電腦化，機能亦傾向全功能型影音系統，在機前已內置一組立體聲喇叭，最正係首度將重低音喇叭都內置入機身，進一步慳位之餘亦可兼顧音質享受，令到打機睇戲都有好享受。
唯一不滿係只設有一個48×CD-ROM，並非DVDROM，加上採用手提電腦嘅Slim格式，用家若想更換光碟機，費用比普通5.5"光碟機為貴。

兩大高速插頭
機內另一煞食地方，就係擴充插頭種類繁多，除基本Serial、PrinterPort等插頭外，重設有兩大高傳輸插頭FirwWire及USB2.0。FireWire在目前嚟講可謂極之普遍，玩開DV數碼攝錄機嘅用家一定啱用，可將影像傳至電腦後作剪輯工作。另外USB2.0在市場上暫時仍較罕有，機上一共提供四個USB2.0插頭之多，支援真正HI-SPEED裝置(480Mps)，接駁高解像掃描器、外置式燒碟機都啱用。
網絡傳輸方面，例牌地設有雙頻插頭，包括Modem及LAN，不論作寬頻上網或電話傳真都得。機後配有一個VGA輸入頭，可接駁其他電腦，若用家嫌LCDPC功能漸漸不及，亦可當作一個型仔LCD用。

LCDPC規格表
支援處理器：P41.4至2GHz
支援記憶體：DDRSlot×2
晶片組：SiS650GL及SiS962
顯示屏：15"TFT
光碟機：48×CD耎OM
高速介面：FireWire、HI-SPEEDUSB2.0

記者意見
抵讚：外形極為搶眼，連LCD一體化全功能型設計夠慳位。

要彈：賣價稍貴，另配處理器、記憶體、硬碟及Windows後超過八千蚊。