梁錦松被傳媒百般糾纏下，上周終於透過一紙私人傳真，公布同國寶伏明霞結婚。不過，大家嘅好奇心並未因此而平息。一直以來，唔少人都以為阿松會等埋小伏畢業先拉埋天窗，點解突然之間又咁急呢？
噚日就有一名讀者致密函信件畀報館，叫行家追查阿松點解要喺𠵱家結婚，佢話答案好「common」，但必有驚人發現。呢名讀者重話，兩個月後，就會自動揭盅。
八方左思右想，諗咗唔少原因，事實上阿松同小伏二人相戀只大半年，但就咁快拉埋天窗，唔通小伏……阿松巡區時，咁鍾意人哋啲細路仔，如果小伏第日生個「松仔」或「松女」，睇怕佢一定好開心囉。
﹙圖﹚唔知小伏第日有咗BB會唔會繼續跳水呢？
傳真︰2623-9278
電郵︰