喺以讀者萬歲嘅時代，好少人會重肯出錢出力去搞一份嚴肅嘅雜誌，八方一位行家兼師弟陸錦榮始終唔肯輕言放棄，今日就有一本叫《戰國策》嘅商業月刊面世，賣二十五蚊，打頭炮就係佢親自到上海，訪問江澤民嘅智囊王戰教授，大談香港發展地位。呢位老兄來頭唔小，係上海市人民政府發展研究中心主任，又係復旦大學教授。
另外，《戰國策》又派人去紐約，專訪聯合國經濟專員洪平凡分析天下大勢。洪平凡師承諾貝爾獎得主克萊因，亦係猛料之人。洪平凡每年都要向聯合國秘書長安南交報告。
陸錦榮都算重有啲市場諗頭，創刊號北上就業錦囊，就附有上海浦東中高級職位資料，益下搵緊工嘅讀者。
﹙圖﹚《戰國策》創刊號封面。
傳真︰2623-9278
電郵︰