多年來飽受癲癇症折騰的三十歲黃建榮，日前在家中猝死，遺下年老父母頓失所依，悲痛欲絕，還要為籌措殮葬費傷神。蘋果日報慈善基金即時從「殮葬專戶」撥款，助黃伯夫婦辦理亡兒的身後事。
年過六旬的黃伯向記者憶述﹕「嗰日得我同阿榮喺屋企，佢好似平日咁食飽飯就攞藥食，但佢食食吓藥突然全身抽筋得好犀利，跟住成個人暈喺地。我即刻打九九九叫救護車，可惜阿榮去到醫院都救唔番，死因要等遲啲驗屍報告出至知。」
老來喪子，令氣虛體弱的黃伯非常難過，「阿榮中五畢業後報讀設計專科課程，有次發高燒嗰陣被驗出患癲癇症，之後成日手腳抽筋得好緊要，要經常睇醫生同食藥，無辦法讀完設計課程。𠵱家個病重令阿榮……，唉！我真係無心情講落去。」黃伯歎道。
黃伯大半生從事司機養活一家六口，直至約五年前，黃伯因僱主移民遭遣散後，一直難覓工作，才被迫提早退休，晚年靠妻子在餐廳做清潔雜工維持家計。
「除咗阿榮之外，幾個仔女已經結晒婚，各有家庭負擔。呢幾年我被迫退休無收入，好在老婆有工做，我哋不嬲慳食慳着，平日我同阿榮都好少出街使錢。」黃伯與阿榮長期朝夕相對，父子感情深厚。
如今阿榮猝死，令黃家兩老痛心疾首，更為缺錢支付亡兒的殮葬費終日憂心忡忡，因心情欠佳，黃伯亦婉拒記者拍照。
蘋果日報慈善基金了解黃伯夫婦苦況後，即時從「殮葬專戶」撥出一萬元，助兩老辦理亡兒的殮葬事宜，解其燃眉之急。 捐款編號﹕C0636
醫學界估計目前本港有超過三萬名癲癇症病人，病因包括遺傳或後天，部份由於腦部曾經受損（如發高燒）或有不正常細胞所致。藥物治療可減少癲癇症患者的病發次數，嚴重者病發時除抽筋外，會昏迷不醒，需盡快接受救治。
暖流熱線
電話:29908688
傳真:23702192
電郵:
網址：