名模Rosemary及歌手方力申昨日以嘉賓身份，出席將軍澳新都城中心的活動。Rosemary昨日即席教小朋友跳牛仔舞，但在場的小朋友對她不加理會。而談到其驕人身材會否對她獨個兒跑步引來不便，Rosemary表示已習跆拳道兩年，自信有能力保護自己。
名模Rosemary及歌手方力申昨日往將軍澳新都城中心，出席「新都城中心反斗奇兵嘉年華之醒目牛仔大挑戰」活動，Rosemary還即席教在場小朋友跳牛仔舞，但在場的小朋友對她卻不理睬，最後Rosemary惟有獨個兒表演牛仔舞打完場。
昨日所見，一向身材驕人的Rosemary，穿起低胸上衣表演牛仔舞時，更有波濤洶湧之勢，Rosemary即時說：「I’mnotreallybig（我唔係真係咁大），我今日戴咗運動型嘅bra，因為有pushup嘅功能，所以睇起嚟勁啲啫。」
記者問Rosemary身材如此出眾，平時跑步有沒有試過被人撩？她說：「喺紐約就試過，喺香港就算啲人撩我，我都唔知佢哋講乜啦。」
問Rosemary有沒有想過飼養一隻大狗保護自己？她說：「我淨係養咗隻曲架咋，我保護佢就差唔多，不過我學過跆拳道兩年，應該都可以保護到自己嘅。」
記者再問，女孩子最終應由男朋友負責護花，那麼她的男友Gordan又是否一個稱職的護花使者？Rosemary說：「佢都唔錯㗎，試過有次我哋一齊落酒吧飲嘢，Gordan一行開啫，就有啲人走埋嚟想同我搭訕，但係Gordan一見到呢個情形，就好快咁返埋嚟我身邊，嗰一刻我真係覺得Gordan好有英雄feel，好正呀。」
採訪：DebbieLum、StephenieYeung 攝影：ChanKwingWai