原本諗住美股今次反彈，有機會帶挈港股，但美股上周五繼續大散，雖然睇圖重唔可以話美股完成反彈，但估計不中亦不遠矣！短期希望美股帶動港股上升呢個願望相信會落空。
上周末有報道中國電信已向港交所（388）及美國證券委員會申請上市，將於9月底開始巡迴推介，10月初發售新股，抽水24至40億美元，並計劃10月底至11月初在港美掛牌上市。上周五中移動（941）收市跌1.4%，睇跌勢重未完全反映呢個消息，中移動Put輪中以9281最多人玩，隻輪上日收0.226元，10月31日到期，行使價22.32元，屬價內輪，溢價6.3%，槓桿率9.5倍，可以順勢炒番轉。
好多人嫌中移動不明朗因素多，所以唔鍾意玩佢嘅輪，事實上睇市跌玩恒指Put輪較為穩陣。
恒指Put輪中9205成交最旺，隻輪9月27日到期，行使價10200，屬價內輪，溢價4.4%，槓桿率15.4倍，數據算合理，炒超短線最啱。另外一隻9287，10月15日至到期，行使價10500，溢價3.6%，槓桿率11.4倍。雖然槓桿率較9205細，但就可以玩多半個月，其實都係各有各好。
章 盛