剛過去嘅周六周日，香港車市都不知幾熱鬧，皆因響本田Accord帶頭下，原本醞釀加價嘅多間歐、日汽車代理商，竟逆市以減價招徠，聽聞均有唔錯反應，重有部份車行加推發售㖭！想唔到呢股減價風潮，亦牽動埋年輕人嘅市場；早前標緻206一款1.4Skyview，以唔到9萬蚊嘅優惠價，吸引到近百名買家搶購後，上個周末代理又改變策略，以唔使15萬嘅價錢，推售時下年輕人追捧嘅206CC開篷小跑車，據聞同樣有不俗嘅反應㖭！不過標緻嘅連番出擊，卻苦了一眾以銷售迷你車為主嘅日本汽車代理商，就連未正式發售嘅大發Copen亦備受壓力，看來日圓高企下，有關嘅日本汽車代理商亦不敢輕言加價噃！