身兼G2000行政總裁和九鐵主席的田北辰，噚日為港台節目《與CEO對話》打頭陣，大談企業管理之餘，也分享自己嘅人生觀。田二少話，九鐵嘅問題係對外失咗信心，係一個政治同公關嘅危機，佢希望透過真誠態度去改變。
作為一個公眾人物，田北辰話最緊要將事實講出，佢最反對「Nocomment」（不予置評）；「咁咪等於我唔存在、唔喺度？我最多咪話個答案唔講得。」
田二少笑言，自己唔係成日睇書，但佢向大家推介一本名叫《HalfTime》嘅書，呢本書講人到中年，就好似球賽去到一半然後中場休息，呢個時間應該停一停，重新思考一下自己嘅生命；前半生人追求成功，後半生就可以追求意義。難怪呢本書，對有名又有利嘅田北辰咁有影響！佢又話，對於家人，喜歡一對一咁傾偈，同子女好多時喺凌晨兩三點傾，皆因女兒喺美國工作，而佢哋傾偈有時都會傾好深遠同嚴肅嘅話題。
﹙圖﹚田北辰出席《與CEO對話》。
傳真︰2623-9278
電郵︰