夏天口淡淡，我肥師奶比較鍾意用海鮮做菜式，食落無咁滯。而深水泥鯭係我近期的心水。呢種魚都唔係話成日都有，但八月有比較多數量，而且比較大條。
深水泥鯭同普通泥鯭唔同，除咗較大條，食落肉質細緻爽口，而且無泥味。由於較為大條，可以剝皮蒸，又或者起肉炒球都得。
約$118/斤
各大魚檔有售
好多瓶瓶罐罐都唔係話開就開到，下下都要搵開瓶器都幾麻煩，所以買買埋埋都有好多個不同功能嘅開瓶器放喺廚房。
前幾日我行過家品店時無意中見到呢個有三個用途嘅開瓶器，佢可以開到汽水、罐頭同紅酒樽，只係賣兩蚊。同類型嘅開瓶器最平都要七至八蚊個㗎，我肥師奶當然第一時間買咗一個啦！
$2/個
銷售點：買得好