洪欣昨日出席馬鞍山舉行的一個時裝表演，陳寶蓮日前自殺身亡，洪欣亦曾與陳寶蓮的舊情人莫少聰拍拖，對此她說：「我同佢（指陳寶蓮）唔係好熟，只係食過一次飯，咁啱就係喺陳潔靈學唱歌度，當時佢冇化妝，但係都好靚，好清秀、身材好好，我係男仔都想識佢。」
對於陳寶蓮的嬰兒未知何去何從，洪欣亦感觸地說：「係呀！一個人要做儍事，如果嗰剎那有人關心就唔同，好彩我身邊有好多朋友關心，所以一直好開心。」問洪欣產子後有沒有患上產後抑鬱症，她說：「都唔知點嚟！我都唔知乜嘢係產後抑鬱症。」
被問到莫少聰有否跟她提起陳寶蓮時，洪欣說：「應該問番佢（莫少聰），我唔可以代佢答，係私人嘢，自己都係講自己嘢。」
採訪：楊潔雯 攝影：陳烱威