同事聽到燒臘師傅伍國基被「老婆」斬死都大感訝異，並說：「阿基二十幾年前結過婚，但佢好怕𠵱家呢個老婆，對佢好遷就，真係唔敢相信佢會俾老婆斬死！」
四十三歲的阿基，在同事口中是一名好好先生，既願助人又能遷就老婆。阿基年多前開始在屯門建生邨一間酒家做燒臘師傅，於三日前離職，原本明日轉到天水圍另一間酒家工作。
他的舊同事表示：「佢平時做嘢好有責任感，佢唔做呢度，唔係因為新工多好多錢，同樣都係得萬幾蚊，而係想學啲新嘅燒臘技術。佢重講，如果我哋未搵到人，佢可以唔走住，真係夠義氣。」
阿基同事又說：「佢啲人工全部由老婆管晒，冇聽過佢同老婆有問題。佢簡直係『廿四孝老公；廿四孝老竇』。」
阿基的泰裔枕邊人現年三十三歲，街坊表示，由於她不懂廣東話，所以很少與街坊來往，平日多在家中照顧九個月大的女兒，亦不見她的親友來探訪她。
本報記者