演藝人協會會長梅艷芳（阿梅）前晚發表聲明，內容提及他們收到法改會函件，要求就「傳播媒介的侵犯私隱行為」諮詢文件，呼籲藝人提供意見。昨日阿梅出席活動時，更自言見到狗仔隊突然出現時，會想踢對方一腳。
日前有報道指演藝人協會（演協）甚關注近期藝人謝霆鋒和陳小春與記者發生的衝突事件，演協會長梅艷芳（阿梅）和曾志偉等人，前晚在尖沙嘴出席演協每月例會，商討有關事項。
演協邀請了記者協會主席麥燕庭出席例會，並於前晚發表聲明，內容指演協收到法律改革委員會的函件，希望他們就「傳播媒介的侵犯私隱行為」諮詢文件提出意見。演協遂呼籲藝人聯絡該會，提供個案，然後集齊交予法律改革委員會。
問阿梅前晚跟麥燕庭談過甚麼？她說：「我哋想盡量有透明度，唔係搞小圈子，想大家有共識，我哋從來都冇提過『封嘴』同反擊行動。其實接唔接受訪問，要睇藝人本身，我哋冇權干涉。我哋可以做嘅係收集藝人嘅意見，再交畀法律改革委員會，我哋都想解決問題，而唔係加重問題。」
麥燕庭開會後則說：「我哋初步接觸，大家傾吓偈，因為我都唔係好了解娛樂記者嘅工作形式，基本上都冇實質嘢傾到。」而麥燕庭昨日接受電話訪問時，否認自己前晚是以記協主席身份出席演協每月例會。
昨日阿梅往跑馬地出席醫館開幕禮時，她接受訪問期間，拿出錄音機錄了她和記者的對話，阿梅對此說：「我都係想保障自己。」
至於演協對保障藝人私隱可有進一步發展？阿梅說：「演協唔係幫晒藝人，藝人同記者係唇齒相依，我哋係針對嗰啲『業餘』記者，全職記者有責任感啲。我見到狗仔隊突然出現，我下意識都會踢佢一腳，呢個係自然反應，保護自己。狗仔隊追訪會引起秩序混亂，演協希望令記者有公信力。」
採訪：魯萍、駱華齡
攝影：陳烱威