九人女子組合Cookies昨日出席在會展舉行的漫畫節簽名會，有一百名fans到場索取簽名。而大部份歌迷都帶備禮物送給Cookies，故大會特別為她們預備了九個紙盒以盛載禮物。
原來昨日是Cookies成員Serena的二十三歲生日，其餘八位成員表示晚上完成工作便會請壽星女吃飯。她們亦透露將於本周五（九日）推出首張唱片，她們說：「今次隻碟分精裝版同埋限量版，精裝版就會送好多禮物，而限量版就會有我哋嘅泳衣寫真。」
此外，陳文媛（BoBo）及Cookies昨日到鑽石山荷里活廣場出席「樂天滅罪兵團──黃大仙青少年滅罪日」活動。
前日李蘢怡（Tiffany）舉行了一個迷你演唱會，其公司大部份歌手都出席支持她，惟獨是師姐BoBo沒有出現，問到BoBo為何不支持師妹？她說：「吓？我都唔知，嗰日我要做嘢呀！」
問BoBo有沒有因比Tiffany早出碟而感公司待自己特別好？她說：「我唔覺公司對我特別好呀！呢啲都係公司策略，咁冇可能同期一齊出碟㗎嘛！Tiffany佢𠵱家出到碟，我都戥佢好開心㗎！」
採訪：李珮洳
攝影：陳偉權