噚日NikeLeague決賽開鑼，對我DrFun呢啲籃球迷來講當然係大事喇，不過咁啱撞正世界女排大獎賽，隔幾條街又有漫畫節，賽前我都擔心出現冷場；點知到修頓捧場嘅球迷都好多，差不多有七成滿（圖），我DrFun遲咗少少都差啲冇靚位坐。三場決賽亦打得非常燦爛，藍鳥嘅鄭錦興一次飛身入樽更哄動全場，相信每位觀眾都收貨啦。