誰是現今中國女排最受歡迎的球員？非高人一等的趙蕊蕊莫屬。噚日紀念品檔攤加入送相優惠，凡購買紀念品滿五十蚊嘅客仔，可自由選擇一張女排相。啲相喺澳門站拍嘅，大部份係中國女排主力打波相，噚日一推出送相，二十多張趙蕊蕊存貨就一早「售罄」，可見佢嘅吸引力幾大。
可能係前排嘅位票價要賣四百蚊，喺呢個時勢真係有啲貴，所以噚日前排有唔少空位；反而「山頂」賣一百同五十蚊嘅就人山人海。唔少「山頂」嘅球迷都話，反正睇比賽唔同睇演唱會，喺遠啲睇重清楚啲，索性慳啲錢坐喺「山頂」。
由於中國女排簽名Ｔ恤反應熱烈，噚日比賽結束後大會再次安排觀眾排隊選購，不過，見到中國女排打完波後身水身汗，重要即刻去露天地方為球迷簽名，小記都覺得佢地辛苦。