由何志平未上任就已經聽講，佢拉咗三十幾年小提琴，咁佢嘅琴技到底有幾好？八方早前寫過，跑馬地禮頓山「富貴」社區會堂開幕，主禮嘅何志平被記者邀請公開獻技時耍手擰頭，笑笑口話將來一定有機會。原來佢口中所講嘅機會，係指十二月尾一個慈善活動「聖誕老人愛心大行動2002──名人籌款音樂會」。
呢個一年一度嘅慈善活動至今已經係第十四年，由港台同《南華早報》合辦，十二月二十三日喺文化中心舉行。何局長會有一個好拍檔，就係魯平新抱、小提琴家姚珏。姚小姐話同何局長係老朋友，不過就從未試過一齊拉小提琴，今次好開心有咁嘅機會，寧願延後自己年底在美國舉行嘅音樂會。
何局長同好多音樂界人士相熟，因為佢由九二年開始，每周三晚為港台第四台開咪，介紹古典音樂；最近偽造帳目入獄嘅DJ麥志堅當年幫佢做engineer㖭。
﹙圖﹚何志平拉小提琴的英姿。
傳真︰2623-9278
電郵︰