噚日世界宣明會、吉之島及港台合辦「舊書回收義賣大行動」，為國內貧困兒童締造讀書機會。大會請到李華明同鄭耀棠分享同仔女嘅閱讀習慣。
棠哥話個仔鍾意睇日本漫畫，成間房都擺到滿，自己唔會反對。只不過佢會提醒仔仔，睇漫畫之餘都要讀吓知識型嘅工具書充實自己。
李華明一上台就話自己屋企只有啲「唔正經」嘅書，原來佢指嘅係有關六四等嘅政治、民運書籍，只有十三歲嘅囡囡敏蓓當然冇咩興趣，反而喜歡睇以青春校園為題材嘅書，呢日就攞咗本君比嘅《校園是與非》來捐。好彩兩父女都有一樣共同愛好，就係推理小說，所以噚日兩父女都有捐到呢類書。
（圖）李華明同囡囡敏蓓一齊捐書，為國內貧困兒童締造讀書機會。
傳真︰2623-9278
電郵︰