彭丹和日前自殺身亡的陳寶蓮是舊相識，她說：「我知佢留低咗個BB，細路冇咗父母會好慘，我自己都喺四川助養咗十四個孤兒幾年。」彭丹更打趣說：「我呢十四個仔女，個個都唔同老竇。」
此外，安雅昨日在銅鑼灣出席一個公開活動時說：「雖然我唔識佢（陳寶蓮），但係自殺係好慘。我同黃任中係見過一次，就係香港嗰次，之後我返到台灣，公司先同我講佢係乜人，我淨係見過黃任中一次。」
而梅艷芳昨晚以演藝人協會主席身份，聯同會中執委張達明、張艾嘉、曾志偉和林建明等人舉行每月例會，主要商討陳寶蓮（Pauline）的身後事及發聲明，提出方案和有關狗仔隊的事。對於在Pauline在遺書向志偉答謝，志偉說：「我知道今日開會為咗討論點樣幫吓Pauline，所以特登嚟。其實人都死咗，唔知講乜好。覺得好可惜，所以開會睇吓有乜幫到佢。」