時裝品牌Kenzo昨日於獅子星號舉行夏日派對，大會安排女藝人陳霽平、陳敏之、黃泆潼、施念慈和陳伶俐穿上Kenzo夏季新裝，在泳池邊行catwalk，推廣旗下最新香氛沐浴系列。
陳霽平（Maria）、陳敏之（Sharon）、黃泆潼、施念慈及陳伶俐昨日在獅子星號上，出席時裝品牌Kenzo旗下最新香氛沐浴系列「KenzoParfumd'ete」推廣活動。
穿上Kenzo夏季新裝的一眾女藝人在泳池邊行fashionshow，大生銀行家族成員馬桂芳和大馬拿督子鄭維朗等人為座上客，欣賞炎炎夏日香氛派對。
曾任模特兒的Sharon行catwalk駕輕就熟，當影大合照時，一名外籍男工作人員突然把面靠近Sharon，送上熱吻，Sharon當時亦表現驚愕，其後她說：「唔係好驚啫，佢讚我着衫靚，啲外國人係咁熱情㗎啦！呢啲係佢哋嘅溝通方式，好自然，冇乜所謂啦！」
問Sharon模特兒生涯中曾否試過被人「博懵」，她說：「我曾經試過俾個男模特兒好大力咁「鍊」過，不過因為嗰時行緊show，好難『fing』開佢。不過最尷尬都係做模特兒時喺更衣室換衫，因為男女都係一齊喺度換衫，所以通常我都會匿埋一角，我重試過見啲男模係咁望女模換衫。」
而Maria紅衣示人甚搶鏡，她又賣花讚花香地大讚Kenzo，她說：「啲衫好sexy，好有女人味，不過我平時好少着深色衫。」Maria又表示現在忙於拍攝電視節目《優質生活派》，所以多了四處購物。問她會否以購物減壓？她說：「我平時最多做吓高溫瑜伽。」
此外，施念慈自婚後首次行show，她說：「我老公成日都話行show啲模特兒身形要高先好睇，不過我今次有sponsor同埋係大牌子，咪應承囉！」
問施念慈行show會否影響她的作家形象，她說：「做咗作家後，最近重有啲內地睇樓團搵我合作㖭。」