張栢芝日前接受新城節目錄音訪問時，透露曾相信某人不愛自己的女友而愛她。栢芝又大談她的舊愛陳曉東和謝霆鋒，栢芝對東東的關心覺得很甜蜜，但就對霆鋒的遭遇感到痛心和可憐。
張栢芝日前接受新城節目《娛樂一早》的錄音訪問，她早前曾揚言不會再講男人，但在錄音期間卻暢所欲言，大談舊愛謝霆鋒和陳曉東。
當主持人問栢芝是否曾有男仔向她表示與女友感情轉淡，已喜歡上她時，栢芝立即說：「哎吔！呢啲說話我聽過幾千百萬次喇！我唔會再信，當我儍㗎？」再問她當時有否上當？栢芝說：「如果唔係試過上當，又點會知道呢？不過𠵱家唔可以話我有冇拍拖，因為已經昇華到充滿愛。」而談及理想對象時，栢芝說：「我好似有自虐狂、變態，我要求有人肯同我共患難。」
講到栢芝與霆鋒傳過拍拖及分手的消息，栢芝說：「我覺得霆鋒好可憐，雖然我都係，但相比起佢，佢比我（可憐）多千萬倍。近排出面啲人咁對佢，我會痛心。佢係一個好好嘅小朋友，或者係成長緊嘅成功人士。」
陳曉東曾表示栢芝要「帶眼識人」，她直言聽後很心甜，栢芝說：「哈哈！聽到嘅時候好sweet，好開心，係關心我先會咁講。」至於陳小春近來脾氣甚差，對此她說：「佢好無辜好慘，成日俾記者問關於我嘅嘢，迫到佢咁犀利，其實都唔關佢事。」
採訪：王連連