呢排聽得多無良僱主拖欠薪金嘅新聞，八方講啲勞資關係典範畀大家聽吓。國泰航空公司三年前起，每逢暑假就搵幾日出嚟招待員工嘅仔女，所有員工都可以帶埋囝囝囡囡返工，然後畀公司幫佢哋湊。咁樣員工可以安心上班，又唔使花精神安排活動畀仔女玩。
國泰公關部一定引以為榮，噚日特登安排記者採訪啲細路。其實咁樣好易出事，公關經理Maria就畀佢個七歲乖乖女天悅誤會係「冗員」。記者問天悅開唔開心，佢話覺得媽咪份工好好玩，冇嘢做，成日淨係喺度食嘢同飲嘢，媽咪Maria聽到惟有好無奈咁笑吓，不過如果俾高層聽到，信以為真就慘！
（圖）天悅童言無忌，踢爆媽咪返工冇嘢做。
傳真︰2623-9278
電郵︰