【本報訊】對於蘇永康在台北被即時送去戒毒，一眾歌手仍然支持蘇永康。
許志安說：「我覺得康仔好勇敢，希望呢件事快啲過去，重新再投入工作，我信佢一定冇事，我會支持佢。」方力申和李彩樺都表示蘇永康好好人，無論如何都會全力支持他。而楊千嬅更謂：「我覺得佢咁勇敢面對自己嘅事，係踏出咗成功嘅第一步。」
仍有官非在身的謝霆鋒則說：「都係嗰句：點都會支持佢。」
薛家燕則表示十分惋惜：「我聽到呢個消息好難過，如果知錯能改，面對現實都係勇敢。其實錯咗唔係唔可以翻身，只要佢可以坦然面對，好短嘅時間都可以變番條好漢。大家應對佢多番鼓勵，而且呢件事正好對其他藝人加強警覺，小心出入夜店同埋行為要檢點。」
蘇永康好友張衞健昨日身在台灣，他接受訪問時說：「我今日有搵過康仔，但一直未能同佢取得聯絡，但我之前同佢傾過偈，知道佢好堅強，應該可以面對到今次件事，我對佢好有信心。」
蘇永康會否因為有吸毒而影響到他將來去海外發展歌唱事業？成功替歌星陳慧琳打開日本市場的經理人鍾珍認為，只要歌手有好歌，應不會有太大影響。