李蘢怡（Tiffany）、EO2及E-kids昨日到尖沙嘴美麗華酒店，出席「李蘢怡仲夏之約迷你音樂會」。昨日有二百多名歌迷到場支持她，而Tiffany的媽媽、兩個妹妹、大嫂及嫲嫲都特別到來捧她場，Tiffany在台上唱歌時更一度感觸地哭出來。
問Tiffany為何如此感觸？她說：「因為我終於都可以出到碟！我第一隻個人EP會喺月中出。」Tiffany坦承自己未出碟前曾有一些很儍的想法，她說：「因為我同陳文媛（BoBo）一齊簽唱片公司，但佢就出碟先，我都會試過比較，但就唔係妒忌，因為我同佢都係好朋友，我𠵱家出到碟，就唔會咁諗。」